康城 Ocean Marini

分享吓，今日有人問，師父，驗樓難唔難，難在啲咩？驗樓可以話難亦可以話唔難，只要你夠仔細，都一定可以搵到一啲問題出黎。咁如果話難，又難喺邊？會答你，難在搵啲你發現唔到嘅問題及判斷嗰個係咪問題以及問題重要性，而個問題搵咗出黎，後話要睇有無執修好，就一啲都唔難。

Ocean Marini 暫時感覺係，同 Grand Marini 係同一批師父，問題及手工都差唔多，首先油工及批盪手工都唔算好，漆亦落得好薄，其次係設計問題，幾個單位水龍頭熱水開關都會未開盡就已經撞咗牆，造成有機會水力未夠，撻唔著個爐，希望發展商唔好feedback 設計上係咁就好。（當然個如果爐可以撻得著，問題又可以係細咗好多）

其次係廚房窗邊有幾個位置出現灌風問題，如果打大風加大雨，有機會將啲雨水扯入屋造成滲漏問題，暫時4個單位有2個出現哩個問題.

By the way, 1B高層發現有胡蜂蹤跡，大家大時間望望冷氣平台會唔會大類似蜂巢物體，如果有，請即通知管理處，唔好嚐試自己處理 (24.5.2022)

*註: 師父隨筆將會於所有團購驗收完成後刪除.(收樓過程睇睇就算, 自已驗都可以留意返講過個位置.) 樓宇質素好當然無問題, 但如果唔太好, 篇文又可能對個盤少少影響(當然亦可能一啲影響都無), 所以文章唔會保留, 只會留返 "屋苑資料" 及 "問題列表".

最新紀錄

2022-06-13 - 主要問題均集中廚房、最新幾戶發生露台結構問題(有機會構成危險)、玻璃相對其它屋苑, 整體戶所出現問題不高, 但個別會出現危險度較高的崩花、氣泡、受震率低等情況, 另客廳的長橫玻璃, 稍加施力會有彎曲情況, 需特別注意. 電力普遍單位均高於標準的 220V, 個別單位試電時有跳掣情況出現.

暫時分享到哩度，如需要搵幫手睇睇

可以按此預約