Wetland Seasons Bay 3 期

哩排再去天水圍嘅 Wetland Seasons Bay III（點解話再去，因為之前一期二期都睇咗好多個單位，一期及二期問題各異，有啲容易執修有啲就麻煩啲，又睇睇今次三期會唔會有唔同。

三期睇咗幾個兩房單位，今次牆身泥水做得唔錯，電力方面亦冇乜甩漏，廁所插電位一樣係安裝喺櫃內（一定程度可避免因水氣而跳掣，某些發展商會安裝喺牆身），主要問題都係發生喺空鼓方面，嚴唔嚴重主要係睇發生喺咩地方，以及範圍大細及深淺。至於甲醛，實測大部分單位均為 0.012-0.014，對人體並不構成影響，至於滲漏方面，其中一個單位，第一次測試時，於關緊及上鎖後，門邊發現有漏水問題，原因來自門邊一段防水膠拱起而導致出現罅隙，師傅即時幫手修復，於再次測試時已未有再發現滲漏情況，另外露台圍欄玻璃與一二期情況一樣，同樣使用比較其他屋苑玻璃厚度，相對較薄身的玻璃。

其它問題包括地板木刺，部件移件，漏裝配件，去水積水等。

另外亦提提大家，單位本身已備有TP-Link Router 供住戶上網使用，大家記得如安裝師父(寬頻供應商)未有替你打開Router電源，住戶需自行幫Router插上電源並打開，方能成功收到上網訊號，Router 位置於大門旁邊的櫃內(打開櫃開後，需再打開木隔板)。

暫時分享到哩度，如需要搵幫手睇睇

可以按此預約